Hrædd þjóð - einstakt tækifæri?

Þegar ég hugsa til liðins sumars tengjast þeim hugrenningum minningar um lag sem er akkúrat í sjónvarpinu núna.  "Þegar þú komst inn í líf mitt", með hljómsveitinni Hjaltalín.

Mér finnst þetta frábært lag, og er það tilfellið með fleiri hygg ég.  Þeir hafa náð að snerta við hjarta okkar, býst ég við.

Viðbrögð þjóðarinnar undanfarna daga vegna þeirrar miklu óvissu sem hér er bera vott um mikla hræðslu og ónánægju fólks.  Ríkisstjórnin sem hér ræður virðist ekki eiga ráð til þess að leysa vandann á augabragði.  Sennilega er vandinn stærri en svo að unnt sé að leysa hann á einfaldan hátt.

Ríkisstjórnin og önnur yfirvöld, svo sem Seðlabankans eru ekki samstíga og það eitt er ekki góðs viti.  Þjóðin virðist ekki finna að forystumenn stjórnarflokkanna hafi full tök á vandanum.    

Stjórnarandstaðan er dugleg við að taka virkan þátt í umræðunni. Þó virðist víðs farri að forystumenn hennar hafi lausnir á reiðum höndum.

Þjóðin bíður því enn eftir að einhver stígi fram og komi inn í líf okkar. Og segi allt af létta og sýni að hann viti nákvæmlega hvernig við getum unnið okkur út úr vandanum.  

Þegar þú komst inn í líf mitt,

breyttist ég.

Þú komst við hjartað í mér.

Ég þori að mæta hverju sem er.

Þú komst við hjartað í mér. 

Þá þorir þjóðin að mæta hverju sem er. 

Myrkir dagar á Austurlandi.

Í síðustu viku voru myrkir dagar á Seyðisfirði.

Meðal atriða á þessari hátíð var svokölluð afturganga.  Þá var bærinn myrkvaður og gegngið með kyndla og gamlar sagnir af draugum rifjaðar upp. 

Einnig var samverustund karla í íþróittamiðstöðinni.

Dagskrá var með nokkuð hefðbundnu sniði, heitur pottur, sauna, dularfull myrkraverk, pílukast, boccia og loks bankabank. El-grillo mun hafa verið á staðnum.

Þetta var víst afar vel heppnuð skemmtun, sem rétt er að lýsa ekki nánar hér, af velsæmisástæðum.

Enda var ég ekki á staðnum og víðs fjarri.  Ég brá undir mig betri fætinum og skrapp til London og fór einn fótboltaleik og skoðaði áhugaverðustu staði þar.

 

Hoggið að þeim sem hlífa skildi?

Hann ræðst hvatlega að forsætisráðherra í ræðu sinni.  Nú er vík milli vina!

Fréttaskýring: Vígreif varnarræða seðlabankastjóra

Norræna er mikilvæg fyrir okkur.

Minni alveg sérstaklega á að ferðamenn sem koma með þessu skipi ferðast um allt landið og langflestir fara hringveginn.

Samkvæmt könnun sem gerð var fyrir nokkrum árum kom fram að um 30% þeirra sem koma með ferjunni yfir sumartímann ferðast um Vestfirði.

Þessir ferðamenn eru því mikilvægir fyrir ferðaþjónustu um allt land, eitthvað annað en hægt er að segja um langflesta ferðamenn sem koma með flugi um Keflavík.

Norræna hættir að sigla til Björgvin

Færeyingar bestu vinir okkar.

Samkvæmt könnun á síðunni hér, eru okkar traustustu vinir Færeyingar.  Þetta er álit 70% þáttakenda og einnig æðstu manna þjóðarinnar samkvæmt fréttum dagsins.

Komin er ný könnun í loftið um jólahlaðborð.

Gleðjumst og verum vinir. Engin miskunn.

Fyrsta afborgunin?

Fékk þess mynd senda tölvupósti með textanum: Fyrsta afborgunin af Ice save skuldunum?

Ég svaraði; Farið hefur fé betra, þetta er fé af Snæfellsnesinu, er það ekki?

Kiddi Jóh lagði þetta hins vegar til málanna: 

Þetta er talsvert fjármagn,en það er óhreint og þreytulegt að sjá og etv á leið í fjárþvætti,búið að eta yfir sig á féþúfum landsins.

Ég er alveg hress með kallinn, það þýðir ekkert annað en taka lífinu létt og láta volið vera í öðru sæti. 

Flottir krakkar!

Seyðfirðingar geta verið stoltir af þessum krökkum.

Lego-keppni grunnskólanema

Austurlandsmót í tvímenningi í bridge.

Austurlandsmóti í tvímenningi í bridge var að ljúka á Reyðarfirði í dag.

14 pör víða af Austurlandi tóku þátt í mótinu.

Úrslitin:

1. Einar Guðmundsson og Kristinn Valdimarsson Bridgef Seyðisfj. 92 stig.

2. Hafþór Guðmundsson og Ævar Ármannssson B Suðurf. 52 stig.

3.  Magnús Ásgrímsson Brf Suðurfj og Sigurþór Sigurðsson Bf Fjótsd 46 stig.

4.  Þórður Pálsson og Sigurður Stefánsson, Bridgef Vopn / Fljótsd.   27. stig.

5.  Unnar Jósepsson og Jón Halldór Guðmundsson B Seyðisfj.  20 stig.

6.  Guttormur Kristmannsson og Guðmundur Snorrason B Fljótsd. 19 stig.

7.  Pálmi Kristmannsson og Stefán Kristmannsson B Fljótsd. 16 stig.

 

Sem sagt,  yfirburðir hjá Einari og Kidda.

 

 

 

 

Til hamingju með daginn, Hrefna Sif.

• 1893 - Women in the U.S. state of Colorado are granted the right to vote.
• 1912 - The Deutsche Opernhaus (now Deutsche Oper Berlin) opens in the Berlin neighborhood of Charlottenburg, with a production of Beethoven's Fidelio.
• 1917 - Russian Revolution: In Petrograd, Russia, Bolshevik leaders Vladimir Lenin and Leon Trotsky lead revolutionaries in overthrowing the Provisional Government (As Russia is still using the Julian Calendar, subsequent period references show an October 25 date).
• 1917 - World War I: Third Battle of Gaza ends: British forces capture Gaza from the Ottoman Empire.  
• 1934 - Premiere of Rachmaninoff's Rhapsody on a Theme of Paganini at the Lyric Opera House in Baltimore, Maryland, United States.  
• 1963 - Wunder von Lengede: In Germany, eleven miners are rescued from a collapsed mine after 14 days.
• 1967 - Carl B. Stokes was elected as Mayor of the City of Cleveland, Ohio, becoming the first Black Mayor of a major American city.
• 1989 - Douglas Wilder wins the governor's seat in Virginia, becoming the first elected African American governor in the United States.
• 1989 - Hrefna Sif Jónsdóttir fæðist.
• 1990 - Mary Robinson is first woman to be elected President of the Republic of Ireland
• 1996 - NASA launches the Mars Global Surveyor.
• 2000 - Hillary Rodham Clinton is elected to the United States Senate, becoming the first former First Lady to win a public office in the United States.

Bæjarmál á Seyðisfirði.

Á síðasta fundi bæjaráðs á Seyðisfirði voru fulltrúar foreldrafélagsins mættir til að ræða gjaldskrá leikskólans.   Niðurstaða liðsins var þessi:  

3. Foreldrafélag leikskólans.  Frestað frá síðasta fundi.
Mættar eru frá foreldrafélaginu: Jóhanna Pálsdóttir, Eva Björk Jónudóttir, Svava Lárusdóttir og Dagný K. Sigurðardóttir. Gjaldskrá leikskólans rædd.  Ákveðið var að bæjarráð og foreldrafélag vinni sameiginlega að endurskoðun gjaldskrár leikskólans.

 

Ég hef einkum tvennt að athuga við þetta mál:

1. Foreldrafélag leikskólans er greinilega mætt á fund bæjrarráðs til að ræða gjaldskrá leikskólans.  Samkvæmt mínum upplýsingum er þessi leikskóli einn sá ódýrasti á landinu.  Auk þess tekur hann við börnum frá 1 árs aldri, sem er alls ekki alls staðar.  Í þriðja lagi er mikill faglegur metnaður í leikskólanum og gott starf og til dæmis er á elsta ári leikskólans sérstakur undirbúningur að grunnskólanámi, svokölluð brú milli skólastiga.  Mjög brýnt er að þetta fólk hafi í huga að grunnskólinn á Íslandi er gjaldfrjáls og mín skoðun er sú að hann eigi að vera það áfram. Ég tel að það starf í leikskólnaum sem lýtur að undirbúningi undir grunnskólann eigi þess vegna að vera gjaldfrjáls líka. 

Ég ætla að vona að hugsjónin um jafnrétti til náms sé ekki dauð í þessi velmenntaða unga fólki.

2.  Af hverju er fræðslumálaráði haldið frá málinu?  Á það ekki að vera umsagnaraðili um málefni grunnskólann?