Huginsmenn gulir og glaðir!

7.8.2008 | 21:59

Í kvöld eru Huginsmenn gulir og glaðir.

Eins og alþjóð veit spilar Huginn í 3 deild D og er þessa stundina efst liða í riðlinum.

Huginn er búinn að tryggja sér sæti í úrslitakeppninni og það gerðu þeir með því að leggja lið Dalvíkur / Reynis í kvöld 2-3 á úitivelli.

Það var Friðjón sem jafnaði metin í fyrri hálfleik, en heimamenn voru greinileg ákveðnir að selja sig dýrt, enda hörku lið þarna fyrir norðan.

En Huginsmenn eru líka með magnað lið. Frábær þjálfari og flott liðsheild. Reynsluboltar eins og Binni Skúla, Marjan og Alexander, ásamt mönnum á borð við Friðjón, Bigga og Jón Kolbein. Þetta er bara fínt lið. Elmar, Egill, og Símon og fleiri og fleiri. Fínir menn bíða á bekknum eftir tækifæri.

Það var sem sagt 1-1 í hálfleik. Í seinni hálfleik komust Dalvíkingar yfir aftur. Ég var að segja að þetta er gott lið og dyggilega hvattir af mörgum áhorfendum sem voru komnir á Fiskidaginn mikla, þá vildu heimamenn sigur og aftur sigur.

En Huginn náði að jafna aftur eftir hraða sókn og var eldingin Birgir á ferð.

En svona venjulegur fótboltaleikur er cirka 90 mín og það veit Binni Skúla manna best. Þess vegna píndi hann sig áfram þó að hann sé ekki í mjög góðu formi. Það borgaði sig fyrir Huginn, því hver annar en Binni skoraði sigurmarkið í kvöld. 2-3 og Huginn í efsta sæti áfram og kominn í úrslitakeppni 3. deildar 2008.

Flokkur: Bloggar | Facebook

Athugasemdir

Eru Tommi og Sara systkyni?

Höttur vann góðan sigur í 1. deild kvenna þegar liðið vann 1-2 sigur á útivelli. Sara Emilsdóttir skoraði fyrra mark Hattar.

Höttur vann góðan sigur í 2. deild karla þegar liðið vann 1-2 sigur á útivelli. Tómas Emilsson skoraði fuyrra mark Hattar.

Frábært hjá þessum systkinum!

Rétt er að geta þess að þau eru bæði Huginsmenn í gegn og hefur Tommi sett þau ekki fá í gegnum tíðina fyrir Huginn. Reyndar Sara líka, í yngri flokkum Hugins.

Jón Halldór Guðmundsson, 7.8.2008 kl. 22:06