Húsaleigubætur.

Undanfarnar vikur hafa umræður um húsaleigu orðið veigamikill þáttur í umræðum við eldhúsborðið á heimili mínu.

Ástæðan er sú  tvö eldri börn mín eru að fara í nám til Reykjavíkur í vetur og hafa verið að leita sér að húsnæði.

Til dæmis mun dóttirin leigja með 3 vinkonum sínum íbúð í borginni á 160.000 kall á mánuði.  Þetta er að sjálfsögðu heildarverð og dragast frá þessu húsaleigubætur.  Þar sem aðeins ein þeirra fær borgaðar bætur og fullar húsaeligubætur eru 18.000.- fær hver þeirra kr. 4.500.- í húsaleigubætur.

Ef fjölskylda væri að leigja íbúðina væru bæturnar hærri, eða 6.000 kr í viðbót per barn.

Námsmenn sem búa á stúdentagörðum eða heimavist með sameiginlegu eldhúsi og snyrtingu eiga einstaklingsbundinn rétt á húsaleigubótum, en ekki þeir sem leigja á frjálsum markaði, þar sem þeirra húsnæði er ekki greitt niður af peningum okkar allra.

Mér finnast þessar reglur um húsaleigubætur afar skrýtnar og skora hér með á alla þingmenn og verðandi þingmenn að beita sér í þessu réttlætismáli.

Varla þarf að taka það fram að ef núverandi þingmenn gera ekkert í þessu réttlætismáli, munu hinir verðandi þingmenn leya þá af hólmi innan tíðar.

Góðar stundir. 

Athugasemdir

[Birna Dis Vilbertsdóttir (IP-tala skráð) 6.8.2008 kl. 20:06]

Þessar húsaleigubætur eru reiknaðar út á furðulegan hátt og reglurnar í kringum þær eru skrítnar.

[Jón Halldór Guðmundsson, 6.8.2008 kl. 22:59]

Já, mörgum finnst það.

[Ásgrímur Hartmannsson, 7.8.2008 kl. 17:34]

Svo tekur leigumarkaðurinn mið af bótunum: leigan er því hærri.

Þetta er allt eitt stórt svindl sem kostar bara peninga. 

[Jón Halldór Guðmundsson, 7.8.2008 kl. 21:46]

Heilmikið til í þessu.