Hrefna Sif 18 ára

11.11.2007 | 00:31

Já, það var merkur áfangi í síðustu viku. Hún Hrefna Sif dóttir mín varð sem sagt 18 ára.

Ég var auðvitað fyrstur manna til að hringja í hana og óska henni til hamingju með afmælið. Enda kom það rækilega fram hjá henni á afmælinu mínu, sem reyndar var haldið nokkrum dögum eftir sjálfan afmælisdaginn, að ég er einmitt maðurinn sem alltaf man allt og geri allt á réttum tíma.

Ég get verið afar stoltur af henni Hrefnu Sif, eins og reyndar börnunum mínum öllum.

Já, ég veit ekki hvort hún er ánægð með þessa mynd svo ég verð að setja aðra.

Og ástæða þess að ég varð að seja inn aðra mynd af henni er einmitt ákveðin heilabrot sem vöknuðu hjá mér í tilefni afmælis hennar. Hún er sem sagt orðin 18 ára og telst því fullorðin. Ég á núna tvö fullorðin börn og eitt sem er ekki orðið fullorðið. En það er mjög flott að eiga fullorðin börn. Þó að þau seu auðvitað meira háð manni þegar þau eru lítil, þá þurfa þau örugglega á manni að halda áfram og maður þeim.

En þessi dagur, 7. nóvember er auðvitað einn allra merkasti dagur í mannkynssögunni. (Ásamt bastilludeginum, þjóðhátíðardegi Frakka svo eitthvað sé nefnt.) Þetta er nefnilega afmælisdagur Rússnesku Byltingarinnar. Þennan dag voru þá 90 ár liðin frá október byltingunni í Rússlandi. (Talandi um að gera hlutina á réttum tíma? Októberbyltingin).

Flokkur: Bloggar | Breytt s.d. kl. 00:34 | Facebook

Athugasemdir

Takk pabbi minn.. :) Ég held ég verði nú áfram háð ykkur.

Svo sjáumst við bara á hvað miðvikudagskvöld eða fimmtudaginn ? :)

Hrefna Sif (IP-tala skráð) 11.11.2007 kl. 14:16

Til hamingju með öll börnin þín Jón, sérstaklega Hrefnu. Það er ótrúlegt hvað þau eru fljót að stækka og verða gömul, en maður eldist ekkert sjálfur En maður getur nú farið að hlakka til þegar þau fara að sjá fyrir manni