You aint seen nothing yet.

Auðvitað hefur Ólafur rétt fyrir sér. Og þetta er sóknartækifæri fyrir ferðamennsku og rannsóknarstörf á Íslandi. Ekki ógnun!

Nýtt eldgosaskeið að hefjast?

Bjarni og umboð...

... hljómar ekki vel.

Ég segi nú bara svona. Kemur málið ekkert við.

Bjarni vill fá nýtt umboð

Hér er allt í nokkuð góðu lagi.

"Samkeppni á fjármálamarkaði hefur heldur aldrei verið meiri og hún hefur skilað sér sem vítamínsprauta fyrir íslenskt atvinnulíf og bætt hag neytenda, þar á meðal láglaunafólks. Besta dæmið um það eru nýkynnt húsnæðislán bankanna á betri vaxtakjörum en áður hafa þekkst á Íslandi og gera má ráð fyrir að þau húsnæðislán og vaxtakjör sem bankarnir eru að bjóða núna spari íslenskum neytendum 7–8 milljarða í formi lægri vaxtagreiðslna. Telja flutningsmenn þessa frumvarps að slík þróun sé af hinu slæma?"

Sigurður Kári Kristjánsson á Alþingi.  7.okt 2004.

"Ef við tökum Steingrím Joð sem dæmi, þá hefur hann löngum verið mótfallin því að menn græddu um of. Ekki skal því neitað, að hann hafði góð rök fyrir sínu máli, en það var ekki vitað þá. "

Heimild: Ágætur sjálfstæðismaður á bloggfærslu sinni nýverið.

Fyrirspurn á Alþingi 2005-6!

132. löggjafarþing 2005–2006.
Þskj. 854  —  490. mál.

Svar

viðskiptaráðherra við fyrirspurn Jóhönnu Sigurðardóttur um stöðu bankanna.

    Ráðuneytið óskaði eftir því að Fjármálaeftirlitið og Samkeppniseftirlitið tækju saman svör við fyrirspurninni enda var í fyrirspurninni óskað álits þessara stofnana. Í samræmi við þetta byggjast svör ráðuneytisins alfarið á upplýsingum sem bárust frá þeim.

    1.      Hvert er álit Fjármálaeftirlitsins á mati greiningarfyrirtækjanna Barclays Capital og Credit Sights að staða viðskiptabankanna þriggja sé veikari en ársskýrslur þeirra gefa til kynna og að hraður vöxtur þeirra geti valdið þeim vandræðum í framtíðinni?
    Í svari Fjármálaeftirlitsins kemur fram að eftirlitið sé ekki sammála þeirri heildarmynd sem dregin er upp af stöðu bankanna í matsskýrslum umræddra greiningarfyrirtækja. Fyrir liggja nýleg álit alþjóðlegu matsfyrirtækjanna Moody's og Fitch um bankana þrjá, sem eru byggð á mun ítarlegri upplýsingum um starfsemi þeirra en telja verður að fyrrgreind greiningarfyrirtæki byggi mat sitt á. Enn fremur liggur fyrir nýleg skýrsla Moody´s um íslenska bankakerfið (Banking System Outlook, December 2005), sem að mati Fjármálaeftirlitsins gefur betri mynd af stöðu bankanna.
    Þá kemur fram í svari Fjármálaeftirlitsins að hröðum vexti bankanna fylgi ýmiss konar áhætta en að vöxturinn hafi jafnframt falið í sér ákveðna áhættudreifingu. Ein af forsendunum fyrir þessum vexti er að til staðar sé fullnægjandi áhættustýring hjá hverjum banka fyrir sig. Að mati Fjármálaeftirlitsins liggur ekki annað fyrir en að sá starfsþáttur bankanna sé með viðunandi hætti.

    2.      Er ástæða til að ætla að fámennur hópur tengdra aðila hafi haft áhrif til hækkunar á hlutabréfaverði umfram það sem eðlilegt getur talist og að bankarnir séu þar í lykilhlutverki? Hvaða áhrif getur það haft á fjármálastöðugleikann að útlánaþensla fjármálafyrirtækja sé að mestu fjármögnuð erlendis?
    Varðandi fyrri hluta þessa töluliðar fyrirspurnarinnar kemur fram í svari Fjármálaeftirlitsins að því sé ekki kunnugt um að þau atvik hafi átt sér stað sem lýst er í fyrirspurninni. Væru vísbendingar um slíkt kynni það að varða við 55. gr. verðbréfaviðskiptalaga um markaðsmisnotkun.
    Varðandi seinni hluta þessa töluliðar vísar Fjármálaeftirlitið til árlegrar skýrslu Seðlabanka Íslands um fjármálastöðugleika, sem gefin var út 26. apríl 2005, en þar er sérstakur kafli um fjármálafyrirtækin. Í þeim kafla er m.a. ítarlega fjallað um útlánaþenslu og gengisbundna fjármögnun bankanna og áhættur í því sambandi. Þá er í skýrslu Seðlabankans sérstakur kafli um þjóðhagslegt umhverfi og fjármálamarkaði þar sem fjallað er um þjóðhagsleg skilyrði fjármálastöðugleika. Í inngangskafla skýrslu Seðlabankans eru niðurstaða greiningar bankans dregin saman með eftirfarandi hætti: „Niðurstaða greiningar Seðlabankans er sú að þrátt fyrir að íslenska fjármálakerfið sé á mikilli siglingu og verði að glíma við ójafnvægi í þjóðarbúskap næstu árin sé það í meginatriðum traust. Það er traust í þeim skilningi að geta staðist áföll í efnahagslífi og á fjármálamörkuðum, miðlað lánsfé og greiðslum og dreift áhættu með viðhlítandi hætti.“ Samkvæmt svari Fjármálaeftirlitsins telur það að sú mynd sem dregin er upp í tilvitnaðri skýrslu Seðlabankans hafi ekki breyst í neinum verulegum atriðum. Von er á næstu skýrslu Seðlabanka Íslands um fjármálastöðugleika í apríl/maí nk.

    3.      Er það rétt að bæði Moody's og Fitch reikni inn í lánshæfismat bankanna vilja íslenskra stjórnvalda til að koma þeim til bjargar ef í nauðir rekur?
    Í skýrslu Moody´s um íslenska bankakerfið frá desember 2005, bls. 2, kemur fram eftirfarandi, í lauslegri þýðingu: „Verulegar líkur á stuðningi ríkissjóðs í tilviki kerfisáfalls.“ (Strong likelihood of state support in the event of systemic shock.) Hvað varðar fyrirliggjandi lánshæfismat frá Fitch fyrir sérhvern íslensku bankana þrjá þá felur það m.a. í sér eftirfarandi, í lauslegri þýðingu: „Banki þar sem miklar líkur eru á ytri stuðningi. Mögulegur stuðningsaðili er hátt metinn sem slíkur og hefur tilhneigingu til að veita viðkomandi banka stuðning.“ (A bank for which there is a high probability of external support. The potential provider of support is highly rated in its own right and has a high propensity to provide support to the bank in question.) Sbr. skilgreiningu á heimasíðu Fitch á einkunnagjöf fyrir stuðningseinkunnina 2 (support rating 2).

    4.      Hvert er mat Fjármálaeftirlitsins á þeirri aðvörun greiningarfyrirtækisins Credit Sights að ekki sé hægt að reiða sig um of á getu íslenska ríkisins til að bjarga bönkunum ef í harðbakka slær?
    Í svari Fjármálaeftirlitsins kemur fram að það telji sig ekki vera rétta aðilann til að svara þessum lið fyrirspurnarinnar.

    5.      Hvert er mat samkeppnisyfirvalda og Fjármálaeftirlitsins á því sem fram hefur komið nýlega í skýrslu greiningarfyrirtækisins Barclays Capital að í íslenska bankakerfinu séu óvenjulega náin og óheilbrigð eignatengsl og að slík eignatengsl og óbeinar fjárfestingar í eigin fyrirtækjum geti haft óæskileg áhrif á hagkerfið í heild sinni? Er ástæða til að bregðast við þeirri þróun?
    Í svari Fjármálaeftirlitsins kemur fram að eftirlitið sé ekki sammála þeirri mynd af eignatengslum í íslenska bankakerfinu sem dregin er upp í tilvitnaðri fullyrðingu. Þar sem um er að ræða eignatengsl í íslenska bankakerfinu sem skipta máli við mat á fjárhagsstöðu bankanna er tekið á því í reglum sem gilda um eiginfjárkröfur bankanna. Reglurnar eiga að fyrirbyggja svonefnd dóminóáhrif á eigin fé bankanna, sbr. 84. og 85. gr. laga nr. 161/2002, um fjármálafyrirtæki.
    Í svari Samkeppniseftirlitsins kemur fram að það telur sig ekki hafa forsendur til að taka afstöðu til þess hvort eignatengsl í íslenska bankakerfinu séu óvenjulega náin eða óheilbrigð í samanburði við eignatengsl sambærilegra fyrirtækja í öðrum löndum, en orðalag spurningarinnar vísar til slíks samanburðar. Í svarinu kemur fram að Samkeppniseftirlitið telji hins vegar að ástæða sé til þess að fylgjast vel með þróun eignatengsla í íslenskum bönkum og raunar einnig fyrirtækjum á öðrum sviðum atvinnulífsins. Þetta sé mikilvægt, m.a. í því skyni að meta hvort myndast kunni eignatengsl sem feli í sér yfirráð í skilningi samkeppnislaga eða sem geti raskað samkeppni milli keppinauta. Enn fremur kemur fram í svari Samkeppniseftirlitsins að það muni leitast við að leggja mat á þetta í tengslum við framkvæmd samkeppnislaga.

    6.      Eru einhver þau einkenni á fjármálamarkaðnum nú og í næstu framtíð að ástæða sé til að upp geti komið alvarleg skakkaföll í fjármálakerfinu og hvernig er staða innstæðueigenda tryggð við þær aðstæður? Er ástæða til að bregðast við til að tryggja betur hag innstæðueigenda og þá hvernig?
    Í svari Fjármálaeftirlitsins við þeim hluta þessa töluliðar sem fjallar um einkenni á fjármálamarkaðinum og hugsanleg skakkaföll í fjármálakerfinu vísast til skýrslu Seðlabanka Íslands um fjármálastöðugleika frá apríl 2005. Að mati Fjármálaeftirlitsins hefur sú mynd sem þar er dregin upp af fjármálakerfinu og fjármálastöðugleika ekki breyst í neinum verulegum atriðum, sbr. enn fremur svar hér að framan við 2. tölulið fyrirspurnarinnar.
    Hvað varðar tryggingarvernd innstæðueigenda, vekur Fjármálaeftirlitið athygli ráðuneytisins á að sambærilegum spurningum var svarað af hálfu ráðuneytisins í á þskj. 780, 421. mál 131. löggjafarþings, sjá svör við 1. og 3. tölulið í því þingskjali.
    Þá vill ráðuneytið að lokum nota þetta tækifæri og geta þess að um tveggja ára skeið hefur átt sér stað óformlegt samráð forsætisráðuneytisins, fjármálaráðuneytisins, viðskiptaráðuneytisins, Fjármálaeftirlitsins og Seðlabanka Íslands um viðbúnað við hugsanlegum áföllum í fjármálakerfinu. Þessir aðilar hafa nýlega ákveðið að formbinda þetta samráð með samkomulagi. Með því verður leitast við að skerpa hlutverkaskiptingu, hindra tvíverknað og auka gagnsæi. Samkomulagið takmarkar ekki svigrúm hvers um sig til sjálfstæðra ákvarðana um aðgerðir út frá hlutverki og ábyrgð hvers um sig.

Réttlætismál og framgangur þess verður tryggður.

Gott mál hjá félagsmálaráðherra.

Lög sett um bílalán náist ekki samkomulag

Um verkleysi.

Síendurteknar fyllyrðingar um að ríkisstjórnin sé verklaus virðast hafa þau áhrif á marga vel gefna menn að þeir trúa þessu eins og þetta sé hinn eini og hreini sannleikur.

Það er öðru nær.

Ríkisstjórnin hefur náð frábærum árangri á mjög mörgum sviðum.

Hún hefur bjargað mörgum heimilum frá greiðsluþroti. Breytt lögum um uppboð, lækkað kostnað vegna innheimtu og vaxta, stórhækkað vaxtabætur.  Hún er núna að knýja bílalánafyrirtækin til að leiðrétta bílalánin.  Hún er að skera niður ríkisútgjöldin og hefur þurft að hækka skatta. Við þessi verk hefur hún í huga að hlífa eftir megni þeim sem lægst laun hafa og minnst mega sín. Hún er að ná gríðarlegum árangri í stjórn efnahagsmála. Önnur endurskoðun AGS er á næstu dögum, það tryggir okkur öllum betri lánakjör og afstýrir hættu á greiðsluþroti þjóðarbúsins. Það er verið að vinna endurskoðun margra þýðingarmikilla mál, eins og tillögur um auðlindagjald eru dæmi um. Það er verið að endurskoða sjávarútvegsstefnuna. Það er verið að breyta lögum til að unnt sé að lögsækja fjárglæframenn og haldleggja eignir. Það er verið að endurreisa traust á íslensku bönkunum. Það er verið að vinna stefnu sem sættir umhverfisvernd og orkunýtingu.

Þeir sem hamast við að halda því fram að ekkert sé gert, ég get ekki skilið í hvaða hugarheimi þeir lifa.

Góðar stundir.

Gluggað í blogg.

Ég var að glugga í blogg og rakst inn á malbein.net.

Þar er þetta skráð ásamt fleiru í umfjöllun um búnkerinn.

Í búnkernum ríkti bölsýnisúð
er byrjaði miðdagsátið
knockwurstið tuggið með köldum snúð
og kasúldið sáerkrátið.

Alvarlegt þótti Foringjans fas
-færði hann ritara blásýrugas.

Þar er einnig þetta í umfjöllun um Derrick, til minningar um hann: 

Á stofugólfi líkið lá
lak úr blóðið rauða
bóndinn sat þar bústinn hjá
mit Bier und Svartadauða.

Lagaverði leit hann á
er léttur hafði skálað.
“Ich habe meine Hubsche Frau
hugsanlega kálað.”

 

Gjálfur.

Á síðsumarkvöldi

berst dauf angan nýsleginna

túnanna niður í fjöruna.

Báran gjálfrar við stein.

Æðarhjónin halda frá landi.

Nú er mál að ýta út báti.

Í kvöld skal vitjað neta.

 

Erfiðar samgöngur

Undanfarnar vikur hafa verið rysjóttar og illviðrasamar á Fjarðaheiði og sennilega stundum á öðrum fjallvegum austanlands.  Nú um langa hríð ( á vel við að orða þetta svona) hefur skyggni oftast verið lítið og skafið í göngin á heiðinni.  Þjónusta snjóruðningsmanna hefur verið skert og meðan að þeir ná ekki að ryðja veggjunum beggja megin vegarins frá veginum kófa nánast linnulítið á heiðinni. Þá þarf ekki mikið út af að bregða til að slys verði á heiðinni.

Ég tel að meðan að Seyðfirðingar búa við þessar takmörkuðu samgöngur eigum við að gera kröfu um að Vegagerðin kosti rekstur og laun björgunarsveitarinnar með einn bíl mannaðan tveimur mönnum yfir háveturinn.

Björgunarsveitamenn hafa sinnt útköllum linnilítið suma dagana undanfarið og það segir sig sjálft að svona kefjandi þjónusta sem helgast eingöngu af erfiðasta fjallvegi landsins, er ekki einkamál Seyðfirskra Björgunarsveitarmanna.

 

 

Færð að þyngjast fyrir austan

Stór hópur fær úrlausn mála.

Gleðilegar fréttir að þessi þjóðfélagshópur fái úrlausn mála varðandi sín mál. Nú þarf að taka mál feðra og mæðra og barnlausra líka og leysa þeirra mál.

Afar fá skuldamál leyst með skuldaaðlögun