Undirbúningur að bæjarhreinsun í undirbúningi.

Bæjaryfirvöld á Seyðisfirði eru að hefja undirbúning að hreinsun í bænum.

Trúlega munu þau reyna að bæta ásýnd bæjarins á allan hátt. Bílhræ og véladrasl á víðavangi og við fyrirtæki eru til mikils lýtis fyrir þennan bæ sem setur sig út fyrir að laða að sér ferðafólk.

Bæjarvinnuflokkur og garðyrkjumeistari á vegum bæjarins hafa einnig hafist handa við slátt og aðra umhirðu og tiltekt í bænum.

Þrátt fyrir að mörg hús hafi fengið andlitslyftingu á undanförnum árum eru enn mörg hús sem þyldu algerlega smá málingarskvettu á einn vegg eða svo.

Þá pirra mig hroðalega njólaskógarnir sem eru víða í lóðaköntum og óræktarblettum. Einnig er lúpínan sem breiðir sig um allar hlíðar hér í bæ mikið áhyggjuefni.

Ég held að lúpínan sé óleysanlegt mál, en öðru máli gegnir um njólann. Mér finnst eðlilegast að hver og einn lóðaeigandi sjái sóma sinn í því að uppræta þann njóla sem er í augsýn frá hans húsi. Samstillt átak af þesu tæi ætti að fara langt með að leysa njólavandann.

Góðar stundir.