Æfingaganga í morgun.

Í morgun var 21 manna æfingaganga frá Herðubreið upp í Skíðaskálann í Stafdal.

Lagt var af stað klukkan 10.00 og um klukkan 11.40 voru allir komnir í hús upp í skíðaskála.  Veðrið var kalt en bjart.  Færið var þannig að nokkur hálka var á veginum, enda snjóþekja alla leið má segja.

Ganga þessi var skiplögð sem lokaundirbúningur fyrir göngu yfir Fjrðarheiði sem áformuð er 5. apríl.

Þessar göngur eru gengnar til að vekja athygli á samgöngum við Seyðisfjörð og einnig til að stuðla að hollri hreyfingu og útivist.  Einnig vill hópurinn stuðla að samveru fjölskyldna og vinahópa og vonar að verlkefnið efli samkennd milli bæjarbúa og helst allra Austfirðinga.

Flestir gengu til baka aftur, en nokkrir tóku það ráð að fá bílfar niðureftir eða skelltu sér á skíði.

Ég hef sjálfur verið lítið í útivist að vetri til enda enginn skíðamaður, en það verð ég að segja að  loftið í dag var hreinna en hreint og snjórinn hvítari ern hvítur í sólskininu og frostinu.

 

 

Athugasemdir

[Gísli Baldvinsson (IP-tala skráð) 1.3.2009 kl. 20:23]

Fórstu víða í dag Jón!

[Jón Halldór Guðmundsson, 2.3.2009 kl. 00:18]

Ekki svo mjög og sannleikurinn er sá að ég fer sjaldan víða, nema síður sé.

[Berglind Knútsdóttir (IP-tala skráð) 4.3.2009 kl. 11:26]

Frábært framtak og ég get sko alveg ímyndað mér dýrðina í kuldanum og  sólinni á þessum slóðum ;o)

Kv. úr sólinni og svalanum í DK, Begga