Pólítíkin á lóðaríi, með hroðalegan skjálfta.

Nú er kominn skjálfti í pólítíkina.

Ýmsir ganga um með þingmann í maganum og opinbera ástand sitt og svo er komið að nærri önnur hver frétt á vefmiðlum fjallar um framavonir stjórnmálamanna sem hyggja á þáttöku í prófkjöri.

Ég hef verið eitthvað skrýtinn í maganum undanfarna daga og varla verið mönnum sinnandi (á betur við kvenfólk, þetta orðtæki).  Þetta ástand rann af mér í gær og líður mér mun betur í dag, þannig að ég er bara góður núna.

Hér í þessu kjördæmi hefur hinn valinkunni fjölmiðlamaður Sigmundur Ernir Rúnarsson tilkynnt áhuga sinn á þáttöku í prófkjöri Samfylkingarinnar.  Þóttu mér þessi tíðindi hinar bestu fréttir, en ég hef síðan orðið þess var að stuðningsmönnum annarra flokka finnst þessi afskiptasemi Akureyringsins hinn mesti óþarfi.

Eitt kraftaskáldið brá sér á skeið með þessum líka árangri:

Þú skalt ekkert þenja kjaft

þóðú sért að norðan

Settu upp þitt sjónvarpshaft

og sjóhatt til að borðann.

Athugasemdir

[Gísli Baldvinsson (IP-tala skráð) 18.2.2009 kl. 09:00]

Simmi á tengingar í aðra flokka og það fer um þá.

[Ásgrímur Hartmannsson, 18.2.2009 kl. 16:56]

Ekkert breytis.  Nýir menn koma, en þeir verða jafn miklir sauðir og þeir á undan svo sama stefnan verður ennþá.

[Ólafur Vignir Sigurðsson (IP-tala skráð) 18.2.2009 kl. 21:12]

Kannski þurfið þið jafnaðarmenn ekki að leita neitt til annarra flokka varðandi frambjóðendur.  Þið eigið marga frambærilega frambjóðendur úr eigin röðum.  Fólk sem hingað til hefur haldið sig til hlés. Öflugt fólk.

Maður líttu þér nær, eins og þar segir.  Alvöru jafnaðarmenn hafa alltaf notið fylgis jafnvel langt utan eigin raða.  Engin þörf á utanaðkomandi frambjóðendum.

"Framandi blóð" gæti verið smitað.

[Jón Halldór Guðmundsson, 19.2.2009 kl. 00:30]

Já, þeir svitna Gísli!!!