Prenthylki.is Nýtt umhverfisvænt fyrirtæki.

Það er alltaf gleðilegt þegar nýtt fyrirtæki hefur göngu sína á stað eins og Seyðisfirði.

Þetta fyrirtæki er nýtt hér í bæ, en á sér alllanga sögu fyrir sunnan, en er nú flutt hingað og byrjað starfsemi.

Fyrirtækið sér um að endurhlaða dufthylki fyrir prentara.  Með því að láta prenthylki.is endurhlaða hylkið þitt spararðu þér fjármuni og þjóðarbúinu gjaldeyri.  Einnig er starfsemin umhverfisvæn, og minnkar kostnað sveitarfélagsins við að urða úrgang. 

Fyrirtækið tekur einnig á móti blekhylkjum til endurvinnslu og rennur ágóðinn af því verkefni til vinnustaðar aldraðra, sem sér um senda það til endurvinnslu.

Svo elskurnar; Ekki henda hylkinu. Talið frekar við prenthylki.is.

Að lokum vísa sem mér barst í tölvupósti:

Hugarvíl og harmur dvín,

er horfi ég á frúna.
Hún er eina eignin mín
sem ekki rýrnar núna.  

Höfundur óþekktur.

Athugasemdir

[Hólmdís Hjartardóttir, 24.10.2008 kl. 13:16]

gott mál   og vísan góð.  Kveðja austur