Hálkuvarnir á Fjarðarheiði.

Í dag átti ég leið upp á Egilsstaði.   Erindið var reyndar að láta skipta yfir á vetrardekk.  Það þýðir ekkert annað en að vera á negldum snjódekkjum á Fjarðarheiði.

Ég var hress með það að Vegagerðin var búin að sanda á heiðinni þegar ég fór yfir klukkan 16.00.

Hins vegar hefur maður oft furðað sig á forgangsröðun þeirrar stofnunar.

Vegurinn um Fjarðarheiði er krókóttur og á nokkrum stöðum bæði slæmar beygjur og brekkur.  Það fer illa saman í hálku eins og er oft á þessum vegi.  Þess vegna er að furðulegt að Vegagerðin skuli sanda fyrst vegi á sléttunum á Héraði,  áður en farið er í brekkurnar á heiðinni.

Vegir á Íslandi hafa verið metnir með tilliti til hversu hættulegir þeir eru.  Þá eru atriði eins og brattar brekkur,  vitlaus halli í beygjum,  beygjur í bratta,  hæð vega og meiri hætta á illviðrum af þeim sökum og margt fleira.

Ég hef heyrt að vegurinn um Fjarðarheiði sé hættulegasti vegur á Íslandi.  Þess vega er óskiljanlegt að hálkuvörnum sé jafn illa sinnt og dæmin sanna. 

Athugasemdir

[Helena Mjöll Jóhannsdóttir, 23.10.2008 kl. 01:46]

Jón minn, ég gæti ekki verið þér meir sammála. Það er illa hugsað um dreifara. Og ég gleymi vonandi aldrei uppruna mínum og hneykslast gjarnan á forgangsröðun þegar kemur að þessum málum