Hjákátlegur boðskapur!

Það sem heyrist frá Framsókn er hjákátlegt.

Þeir vilja selja auðlindirnar á útsölu og sjá helst frumvinnslugreinar. Vilja einhæfni í íslensku atvinnulífi og sjá ekkert nema stóriðju.  Umhverfisstefna þeirra er að þeir líta á mengun sem kost, finnst manni stundum.  Skrítin bændapólitík.

Þeir vilja efla meingallað landbúnaðarkerfi sem hefur ekkert gert annað en að fækka blómlegum sveitum.

Núna eru þeir á móti kvótanum í sjávarútvegi sem við komumst ekki út úr, þökk sé þeim.

Helsta gagnrýnin á ríkisstjórnina er að hún skuli ekki taka lán handa bönkunum, sem verður dýrt fyrir almenning á endanum, en kemur þeim til góða sem fengu ríkisbankana gefins, fyrir tilstuðlan Framsóknar.

Hvaða erindi á svona stjórnmálaflokkur í dag spyr ég nú bara? 

 

Guðni í fundaherferð

Athugasemdir

[Hólmfríður Bjarnadóttir, 24.8.2008 kl. 17:58]

Guðni og Framsókn eru fulltrúar fortíðarhugsunar og það mun ekki breytast svo glatt. Ég finn þetta vel í mínu nánasta umhverfi þar sem framsóknarandinn svífur yfir vötnum. Þessi rödd er að verða meira og meira hjáróma við sjálfa sig og er flótti úr borgarstjórnarflokk Framsóknar í Reykjavík skýrasta dæmið þar um. Ég held að það verði bara fáeinir eldri framarara sem hlusta á Guðna núna, hinir hrista bar höfuðið

[Víðir Benediktsson, 24.8.2008 kl. 18:07]

Hvað sem má um Framsókn segja er það staðreynd að þeir kunna þó að stjórna.  Þau 12 ár sem flokkurinn var í ríkisstjórn eru mestu velmegunarár Íslandssögunnar. Um leið og annar flokkur tekur við verður hrun. Tilviljun? Held ekki.

[Helga Guðrún Eiríksdóttir, 24.8.2008 kl. 19:14]

Hvaða erindi á svona stjórnmálaflokkur í dag spyr ég nú bara?  -Ekkert!

[Jón Finnbogason, 25.8.2008 kl. 18:25]

Þegar maður er áhugamaður um landsmál og lífið í kringum sig, eins og höfundur skrifar í lýsingu um sjálfan sig. Er hálfhjákátlegt að lesa að sama manni finnist upplogin stefna framsóknarflokksins hjákátleg, hið minnsta ætti höfundur að lesa sér til til að geta sagt satt og rétt frá.

[Jón Halldór Guðmundsson, 26.8.2008 kl. 20:09]

Ég er nú bara að setja orð framsóknar í samhengi við gerðir flokksins.

Ég er nefnilega áhugamaður um lífið í kringum mig og gerðir framsóknar eru þar með, ekki aðeins orð þeirra nú.