Sterkur stuðningur við gamla ríkið.

Samkvæmt skoðanakönnun sem fór fram á þessari síðu og almennri umræðu á Seyðisfirði og í bloggsamfélaginu er mikill vilji almennings til að Gamla húsinu, sem hýsti vínbúð Ausurlands um árabil verði sýndur fullur sómi og húsið endurbætt.

Flestir vilja að þar verði vínbúð á ný og vitað er að stærð hússins býður upp á að þar verði jafnframt önnur starfsemi.

Margir hafa nefnt að þetta sé upplagt sem safn og benda á að í húsinu eru nú elstu verslunarinnréttingar á Íslandi, sem hafa þvi mikið menningarsögulegt gildi. 

Ýmsir hafa bent á að þar geti verið verslun eða veitingasala.  Þá gæti farið vel að hafa þarna upplýsingamiðstöð og efri hæð hússins mætti vel nýta sem íbúð, svo eitthvað sé nefnt.

Verkefnið um Aldamótabæinn á Seyðisfirði hefur tekist vel, en þó að það verkefni hafi fengið góðan hljómgrunn og orðið gríðarleg lyftistöng fyrir bæjarfélagið,  er þessu verkefni er alls ekki lokið. Það er enn í þróun og vinnslu.  Endurgerð á "Gamla ríkinu" gæti vel fallið að þessu verkefni og er það mín von að við finnum í sameiningu leið til að finna þessu húsi hlutverk í okkar gamalgróna bæ.  

Athugasemdir

[Einar Bragi Bragason., 20.12.2007 kl. 01:45]

Hafa þetta bara áfram sem ríki...ríkissafn sem gæti verið tengt lögregluminjasafinu....og settar á öðru hvoru sýningar...það er ölvað fólk með læti við ríkið og svo kemur Sjonni safnvörður af lögregluminjasafninu og bjargar málunum,

[Jón Halldór Guðmundsson, 20.12.2007 kl. 10:42]

Frábær hugmynd. Svona löggugerningar á safni!  Uppákomur, hehemm,  eða þannig.