Maður skotinn í Grikklandi.

Maður í gervi villisvíns skotinn til bana

Villisvín eru gjarnan á borðum Grikkja um jólin. MYND/Telegraph

Atli Steinn Guðmundsson skrifar:

Tveir grískir veiðimenn skutu þann þriðja til bana um helgina þar sem hann skreið um í skóglendi, sveipaður feldi sem hann notaði til að dulbúast sem villisvín og freista þess þannig að veiða eitt slíkt. Veiðimennirnir sem skutu hann voru einmitt á ferð í svipuðum tilgangi en villisvín eru vinsæll jólamatur hjá Grikkjum. Slysið átti sér stað í skógi utan við bæinn Nemea í norðurhluta landsins og var maðurinn, sem er tæplega fimmtugur, úrskurðaður látinn við komu á sjúkrahús.

Athugasemdir

[Birna Dis Vilbertsdóttir (IP-tala skráð) 22.12.2009 kl. 15:04]

Áts,ekki gott að vera í svínsham þarna.

[Sigurpáll Ingibergsson, 23.12.2009 kl. 23:40]

Sá fyrri stuttu mynd eftir Sigmar B. Hauksson um veiðiferð til Póllands. Þeir veiddu m.a. villisvín og voru í sérstökum turnum í náttmyrkrinu. Villisvínin hlupu langt inn í skóginn eftir að hafa orðið fyrir skoti og þurfti stundum lengi að leita þeirra.

En þessi ágæti maður sem dulbjó sig svo vel á skilið Darwin-verðlaunin í ár. En þeir sem hljóta þau eru á hinum endanum við nóbelsverðalunahafa.

http://www.darwinawards.com/