Bravó Jóhanna.

Jóhanna gengur hreint til verks og situr ekki og bíður. Það er skammur tími og hún má engann tíma missa.

Hún stóð sig frábærlega í Kastljósinu og einnig var mjög gaman að heyra í nýju ráðherrunum, Gylfa og Rögnu. Þau virkuðu vel á mann.

Það var athyglisvert að heyra að Jóhönnu þykir vænt um Geir Haarde, enda skiljanlegt. Geir er besta skinn.

Mér fannst samt skrýtið að heyra að sjálfstæðismenn eru byrjaðir áróður um að Jóhanna sé eyðslukló. Það er ekki eyðslukló sem seldi ríkisfyrirtæki á slikk. Dældi peningum í Ríkislögreglustjóra og Tónlistarhús. Réði 11 sendiherra á einu ári. Plataði í gegn eftirlaunafrumvarp. Nei, en manneskja sem berst fyrir þeim verst stöddu er eyðslukló. Jóhanna er sem sagt eyðslukló.

Eins með kostnaðinn af því að reka seðlabankastjórana. Hann er svo mikill!! En er þetta ekki kostnaður sem var ákveðinn af þeim sem réðu alla þessa seðlabankastjóra og ákvað ráðningakjör þeirra. Ég tel að það hafi verið svo dýrt að ráða seðlabankastjórana, en ekki að reka þá.

Það er bara þannig sko.

Seðlabankastjórar víki

Athugasemdir

[Ómar B., 2.2.2009 kl. 22:13]

Ég er sammála Sigurbjörgu Jón Halldór þ.e. ef hún er sammála því  að nú sért þú að grínast ! 

[Hólmfríður Bjarnadóttir, 3.2.2009 kl. 03:54]

Áróðursbrellur Íaldsins eru margar og að þeirra dómi snjallar. Frumvörp á miðvikudag, Sigurður Kári sefnir í klærnar á Jóhönnu, vona bara að hann meiðist ekki mikið. Svo eru Sjálfstæðismenn á fara í hnífakast hver við annan um formannsstólinn. Eru ekki allir sáttir við erfðaprinsinn og son Stjórnarformanns Íslands, ojæja.

[Þórður Helgi Þórðarson, 3.2.2009 kl. 09:15]

Var Jóhanna í viðtali?

Sá ekki betur en þetta hafi saumaklúbburinn að ræða málin, Af hverju fékk hún ekki Helga eða Simma?

Stóð sig vel? hún svaraði engum erfiðum spurningum....... ég stend mig oftast vel þegar ég er að ræða Enska boltan við félaga mína.