Seyðisfjarðarkaupstaður í útrás!

Seyðisfjarðarkaupstaður er nú að láta ljúka útrásarverkefni sínu. Verkið snýst um að leið skolpið fá bænum nokkur hundruð metra út í sjó, þannig að fjörur bæjarins verði ekki illa lyktandi á góðvirðiskvöldum lengur.

"Maður hefur nú marga fjöruna sopið", er mjög flott orðtak, sem ég fyrir minn hatt mun nú von bráðar aftur geta notað án klígju.

Með tilkomu þessarar framkvæmdar er Seyðisfjarðarkaupstaður nær því að uppfylla Evrópska staðla um fráveitu skolps, en jafnframt með þeim skuldugustu á landinu, ef tillit er tekið til íbúafjölda.

Verkefni þetta þykir hins vegar hið besta mál, þó að tilkostnaður sé nokkur.

Meðfylgjandi mynd fékk ég lánaða hjá vef Seyðisfjarðarkaupstaðar.  

Athugasemdir

[Benedikt Sigurðarson, 29.1.2009 kl. 19:20]

Blessaður Jón Halldór.

Hugnast þessi "skólpútrás" ykkar Seyðisfjarðarbúa betur en sú útrás sem hefur opnað allar sínar skólprásir yfir þjóðina.   

Hlakka til að taka mér kvöldgöngu við sléttan fjörðinn með frú Helgu Sig þegar sumrar.

Bensi