Nýr tónn hjá Þorgerði.

Íslendingar verði að ganga í ESB

 

Þorgerður Katrín Gunnarsdóttir, varaformaður Sjálfstæðisflokksins

Þorgerður Katrín Gunnarsdóttir, varaformaður Sjálfstæðisflokksins, segir í viðtali við norska blaðið Klassekampen að Íslendingar eigi engra annarra kosta völ í efnahagskreppunni en að ganga í Evrópusambandið.

Þorgerður spáir því og að sjálfstæðismenn muni samþykkja umsókn um aðild á komandi landsfundi þó með fyrirvara um sjávarútvegsmál. Umsókn gæti farið til Brussel á fyrri hluta næsta árs.

Og varaformaðurinn hefur ekki trú á að flokkurinn klofni þótt tekist verði á um tvö grundvallarsjónarmið á landsfundinum. Þar bendir hún á að norski Verkamannaflokkurinn hefur ekki klofnað þótt skiptar skoðanir hafi verði í flokknum um Evrópusambanið í tveimur þjóðaratkvæðagreiðslum.

Í Noregi er það samningsbundið með stjórnarflokkunum að ræða ekki Evrópusambandsaðild. Jens Stoltenberg, forsætisráðherra, hefur lýst því yfir að fyrst verði að liggja fyrir hvernig samning Íslendingar hugsanlega fái í Brussel áður en Norðmenn meti afstöðuna til ESB að nýju.

Í Noregi ríkir einkum óvissa um hvort samningurinn um evrópska efnahagssvæðið stendur óbreyttur ef Íslendingar ganga í ESB. Þá yrðu aðeins Noregur og Licthenstein eftir í EES. Skoðanakannanir í Noregi benda til að andstaðan við ESB sé meiri nú en oft áður eða yfir 60% landsmanna á móti aðild.

 

Athugasemdir

[Hólmfríður Bjarnadóttir, 15.12.2008 kl. 18:28]

Það má segja að þetta sé nokkurskonar yfirlýsing um aðildarumsókn Íslendinga. Miklar gleði fréttir í mín eyri og örugglaga fjölmargra annarra. Auðvitað eru einhverjir Sjálfstæðismenn fúlir núna, en það truflar mig ekki neitt. Mér sýnist að verið sé að leggja línurnar á nokkuð skynsamlegan hátt miðað viða aðstæður. Sameining SI og FME eftir áramót, verið að leggja fram nýjar tillögur í eftirlaunamálinu og svo framvegis. Væntanlega verður krónan okkar sett í enhver tengsl við evruna snemma á næsta ári svo hægt verði að plana framtíðina aðeins

[Jón Halldór Guðmundsson, 16.12.2008 kl. 13:44]

Ég ætlaði fyrst að hafa einungis húsheitið, en ákvað svo að bæta við nafni húsbóndans og setti því nafn karlsins.

Sem var auðvitað bara rugl, því að auðvitað eru bæði hjónin höfundar að jólaskreytingunum og þó að karlinn hengi kannski upp seríurnar, þá er eiginkonan í flestum tilvikum "listrænn stílisti".

Ég er búinn að laga þetta. Takk fyrir ábendinguna.