Ekki sitja og kvíða.

Ég held að þessa dagana hafi margir áhyggjur.  Mér hefur liðið illa sjálfum, þannig að ég ímynda mér að það sé þannig með fleiri.

Þetta er eðlilegt, en það að sitja einn og kvíða er það versta sem maður gerir.

Það sem þú átt að gera er að tala við fjölskylduna og vini þína, til dæmis á vinnustað eða í sima.  Aflaðu þér upplýsinga hjá bankanum eða einhverjum sem þú treystir vel.  Í verstu tilvikum er ráðlegt að leita til læknis.

Við skulum líka muna eftir börnunum, þau fylgjast vel með og hafa mörg örugglega áhyggjur.  Þau þurfa að fá útskýringar líka.  Hinir öldruðu þurfa líka einhvern til að tala við og deila með áhyggjum.  

Það er hætt við að margir sitji inni með "ástæðulausar" áhyggjur í svona óvissu ástandi.

Því segi ég; " Dont worry, be happy".

Athugasemdir

[Anna Guðný , 8.10.2008 kl. 20:09]

Heyrði af einni ráðleggingu í dag. Sú að kveikja ekki á útvarpi eða sjónvarpi í eina viku. Svo má kveikja og það er hugsanlega að marka eitthvað sem sagt er. Eða réttara sagt að það gildi enn eftir 1-2 tíma.

Gangi þér vel að halda þér jákvæðum