Hvar á þjóðgarðsvörður að sitja?

Á þessari síðu hefur verið fremur undarleg skoðunarkönnun um starfsstöð þjóðgarðsvarðar á þingvöllum. Ég segi undarleg, því mér finnst svo sjálfsagt að starf sem snýst um stað eða svæði sé unnið á svæðinu eða nálagt því.

En kveikjan að því að ég setti þessa könnun upp var ákvörðun stjórnar Vatnajökulsþjóðgarðs að hafa aðsetur yfirmanns stofnunarinnar í 101 Reykjavík.

Nú kann að vera að fyrir þessu séu einhver gild rök, en mér finnst að í þessari ákvörðun felist skilaboð frá stjórninni um að hún líti svo á að starf þessarar stofnunar sé svo merkilegt að hún sé yfir það hafin að vera stjórnað af fólki sem býr í útjaðri þjóðgarðsins, til dæmis á Höfn, þaðan sem töluverð ferðaþjónusta og leiðsögn um svæðið er rekin.

Einhver benti á að gefið væri til kynna að atvinnuuppbygging á landsbyggðinni eigi ekki samleið með umhverfismálum.

Hefði ekki mátt hafa annan hátt á í þessu máli?