Málningarblogg.

Undanfarna viku höfum við hjónin verið að mála húsið okkar.

Undirbúningur málunar er töluvert tímafrekur ef vel á að takast til.  Þess vegna höfum við verið að skrapa,  bursta og grunna og að sjálfsögðu að mála.  Nú er húsið að taka á sig mynd og erum við bara nokkuð ánægð með árangurinn.

Einnig ákváðum við að endurnýja þakkanta og svalirnar, sem voru orðnar lúnar.  Síðan ákváðum við að setja skraut í kringum glugga og útskorna sperruenda og hæðabryddingar.  Við vorum svo stálheppin að geta fengið aðstoð hjá smiðnum í fjölskyldunni sem er búinn að vera ómetanlegur í öllu þessu.

Hún Begga systir er búin að biðja um myndir af húsinu og hér kemur fyrsta myndin.

 

Athugasemdir

[Begga systir (IP-tala skráð) 10.7.2008 kl. 10:10]

Eru svalirnar sem Perla Dögg ætlaði að fara út á um daginn Jón? Þið eruð ótrúlega duglegt fólk og ekki amalegt að hafa smiðinn sér til halds og trausts.

Gangi ykkur vel í framhaldinu.

Knús, Begga

[Birna Dis Vilbertsdóttir (IP-tala skráð) 10.7.2008 kl. 12:21]

Bleikt hús ?

[Jón Halldór Guðmundsson, 10.7.2008 kl. 14:59]

Ekki lengur. No more Barbie!