Gleðilega páska

Óska öllum gleðilegra páska.

Dagurinn hjá mér fer í leti og að horfa á fótbolta.  Ekki beint kristilegt,  en samt.

Magga Vera og Sóley Rún skelltu sér á skíði í Stafdal.  Kannski ætla þær að leita að páskaeggjum, ég hef grun um það. En renna sér svo þarna í Austurríkisbrekkunum og hafa gaman.  Ég tek það skírt fram að það er lengi búið að nota þetta orð, Austurríkisbrekkur um góðar skíðabrekkur á skíðasvæði Seyðfirðinga og Héraðsmanna.

 

Þegar ég flutti fyrst til Seyðisfjarðar var bærinn stundum kallaður Austurríki í gríni.  Það stafaði af því að hér í bæ var eina áfengisútsalan á Austurlandi.  Sem var svo bara engin útsala,  hvað verðlag snerti,  allavega.

Að lokum einn gamall íslenskur kirkjubrandari í tilefni dagsins:

Prestur einn vestanlands hélt eitt sinn þriggja ára gömlu barni undir skírn.  Þetta var á páskadag og margt manna í kirkjunni þarna í Borgarfirði vestra.

Þegar guðsmaðurinn laugaði höfuð barnisins hinu helgaða vatna sagði drengurinn stundarhátt:

"Ertu að sketta á mig vatni,  helvítið þitt?"

- Gleðilega páska. - 

 

Athugasemdir

[Birna Dis Vilbertsdóttir (IP-tala skráð) 23.3.2008 kl. 13:56]

Gleðjast og njóta er örugglega kristilegt hehehehehe.Það eru ekki allir sem berja sig til ólífis og láta negla sig í tilefni páskanna.

[Jónína Rós Guðmundsdóttir, 23.3.2008 kl. 17:46]

Gleðilega páska í Austrurríki - það má allavega ekki tala um Austfirsku alpana í sama orði og Seyðisfjörður...

[Jón Halldór Guðmundsson, 24.3.2008 kl. 20:05]

Takk fyrir þessar góðu kveðjur.