Eldsneytisverð í Evrópu.

Ég er einn af þeim sem svitna í hvert sinn er ég tek eldsneyti á bílinn.  Verðið hækkar og hækkar.

Ég á dísilbíl og lengi vel var verð á dísilolíu lítið eitt lægra en á bensíni hér á landi.

En í dag er dísilolíu mun hærri en bensín, algengt verð hér er 157 á dísel og 147 á bensíni.

Samkvæmt AAroadwatch.ie var verðlag í Evrópu í febrúar svona í helstu Evrópuríkjum (allar tölur evrur per lítra):

Noregur bensín 1,548 en dísel 1,509.

Bretland bensín 1,388 en dísel 1,457.

Frakkland bensín 1.323 en dísel 1,176.

Spánn bensín 1,083 en dísel 1,039.

Þýskaland bensín 1,368 en dísel 1,257

Holland bensín 1,535 en dísel 1,223.

Danmörk bensín 1,414 en dísel 1,318.

Ítalía bensín 1,370 en dísel 1,344. Við þetta er því að bæta að víðast í Austur-Evrópuríkjunum er bensín ódýrara en dísel olía.

Mér sýnist á þessum tölum að eldsneytið á Íslandi sé með því allra dýrasta í Evrópu og ekki síst er díselolían seld á okurverði.

Það er alveg ljóst að með hækkandi eldsneytisverði fær ríkið æ stærri gjöld í sína sjóði af eldsneytisverðinu.  Þurfa ekki bifreiðaeigendur að fara að láta heyra hressilega í sér til að vekja athygli á þessari skattpíningu? 

 

Athugasemdir

[Ólafur Vignir Sigurðsson (IP-tala skráð) 19.3.2008 kl. 20:04]

Ja hérna.

Svona er þetta margfalt verra ástand í Sovétríkjum Evrópu en í Bandaríkjum Norður Ameríku, þar sem gallonið (3.7ltr) kostar svipað og lítrinn í Sovét.

Tökum upp dollar og göngum í NAFTA.