Það sem ekki má!

Hvernig væri að fara að lyfta umræðunni á æðra plan?

Í stað þess að vera að þvæla um Björn Inga og baul á áhorfendapöllum og hvort Magga styður meirihlutann og hvernig grín á að vera í Spaugsstofunni, hvernig væri þá að fara að spjalla um pólitík?

Þá mætti spyrja Gísla Martein um málefni Reykjavíkurflugvallar og hvort hann hafi séð svokallaðan málefnasamning.

Hönnu Birnu og Þorgerði Katrínu um atkvæðagreiðslu í Borgarstjórn Reykjavíkur það sem F Listinn lagði til friðun húsanna við Laugaveg.

Júlíus Vífil um hvort hann sé búinn að útbúa möppu handa Vilhjálmi fyrir minnisblöðin.

Borgarfulltrúa Sjálfstæðisflokksins um það hvort þessi málefnasamningur sé ekki aðeins málefnaskrá Frjálslynda flokksins og hvort meirihlutinn sé aðeins myndaður til að Vilhjálmur verði aftur borgarstjóri undir lok kjörtímabilsins, áður en hann hættir í pólitík?

En þetta er meðal þess sem ekki má tala um.  Í staðinn á að tala um það sem ekki skiptir máli.

Kannski verður Spaugstofan að setja þessi mál á dagskrá, úr því enginn annar hefur döngun til þess?

 

Athugasemdir

[Guðrún Katrín (IP-tala skráð) 28.1.2008 kl. 21:48]

Já! Ein er sú  spurning sem ásótt hefur huga minn síðustu daga . Spurningin um það hversu margar félagslegar íbúðir hefði verið hægt að byggja fyrir peninginn sem fór í húskaupin við Laugarveg. Hversu marga þjónustuíbúðir fyrir aldraða og svo framvegis og framvegis. Ég get ekki að því gert mér finnst þetta borgarstjórn ekki til sóma að gera þetta  á samatíma og allt of margir borgarbúar eru heimilslausir .