Bjólfsgata 7 100 ára

Á þessu ári eru liðin 100 ár frá byggingu þessa húss.  Þetta er Bjólfsgata 7 á Seyðisfirði.

Þetta hús, sem Stefán Th Jónsson athafnamaður byggði á Seyðisfirði, þegar Seyðisfjörður gegndi á margan hátt forystuhlutverki á landsvísu, er byggt í nýklassískum stíl.

Hvort sem litið var til verslunar, eða ýmisskonar iðnaðar, eða menningar og útgáfustarfsemi, voru margir forrystumenn með aðsetur í þessum bæ.

Einkum var Seyðisfjörður framarlega hvað ýmsar tækninýjungar varðar.

Í þessu húsi var Stefán með verslun um árabil.  Íbúðarhús Stefáns stendur hinum megin við götuna og er það sömuleiðis hið glæsilegasta. Það er skilgreint sem hús byggt í Sveitser stíl.

Síðan eru liðin mörg ár og húsið hefur hýst skrifstofu fiskvinnslu og útgerðar, tannlæknastofur, prentsmiðjur, bæjarskrifstofur og loks skrifstofu Sýslumanns.

Nú er þar skrifstofa Sýslumannsins á Seyðisfirði.   

Árið 1998-9 fóru fram gagngerðar endurbætur á húsinu og þykir mörgum þetta eitt glæsilegasta hús landsins, jafnt að utan- sem innanverðu.  Arkitektar að endursmíði hússins voru Björn Kristleifsson og Þóra Guðmundsdóttir. 

Nánar um gömlu glæstu húsin á Seyðisfirði má finna á þessari slóð:

 http://www.sfk.is/gamli/ferdamal/gengidumgamlabaeinn-isl.pdf

Athugasemdir

[Einar Bragi Bragason., 20.12.2007 kl. 01:42]

Þetta er gull....og já öll þessi gömlu hús

[Gísli Baldvinsson (IP-tala skráð) 20.12.2007 kl. 09:24]

Glæsileg þessi gömlu hús á Seyðisfirði. Gott að þið eruð ekki á húsaveiðum eins og tíðkast við Laugarveginn í Reykjavík. Enda passið þið ykkar gamla ríki. Jólakveðjur að norðan.

[Kjartan Pétur Sigurðsson, 22.12.2007 kl. 01:11]

Gleðileg jól og takk fyrir skemmtilegt bloggár :)

Á víst nokkrar myndir af þessu húsi

http://www.photo.is/skoli/hus/pages/DSCF0019.html