1. des á Seyðisfirði

Það var vetrarstemming á Seyðisfirði í gær.  Frost,  snjór enda kominn 1. desember.

En bæjarbúar eru líka farnir að setja upp jólaskreytingar og þeir gera raunar meira en það á þessum árstíma.  Óvenjumikið var um að vera í bænum í gær. 

Mig langar til að tæpa á því helsta:

Það var greniskreytingadagur í leikskólanum.  Þá geta bæjarbúar komið þangað og útbúið sér jólaskreytingu og keypt sér kakó og fleira ljúffengt.  Gjarnan í félagsskap barna í fjölskyldunni.

Síðan var rithöfundakvöld í Skaftfelli og lesið upp úr nokkrum nýútkomnum bókum.  Þar var líka verið að opna myndlistarsýningu og á veitingastaðnum þar var boðið upp á fjórréttaðan El Grillo matseðil hjá Jóhannssi Salting og Díönu Páls.

Á kaffi Láru var kynning á bókinni um hann Eyþór Þórisson og boðið upp á veitingar,  svo sem hinn rómaði El Grillo Bjór.  Höfundurinn Tryggvi Harðarson las upp úr bókinni við góðar undirtektir.

Um kvöldið var svo ball með Köngulóarbandinu,  sem auglýst var sem kveðjudansleikur Eyþórs vinar vina sinna.  

Það er sem sagt engin miskunn.

Ég er búinn að kaupa mér bókina um Eyþór og glugga í hana.

Þetta er greinilega afar eiguleg bók og sennilega ein skemmtilegasta ævisagan sem ég hef séð.

Það er klárt. 

Verslanirnar Ósk og Draumhús voru opnar og laða á vallt að sér flestar konur fjórðungsins, með sín glæsilega vöruvali.

Hótel Alda er einnig opin þessa dagana og býður sértilboð í mat og gistingu.

Þannig að það er líflegt á honum Seyðisfirði þessa dagana. 

 

 

Athugasemdir

[Einar Bragi Bragason., 2.12.2007 kl. 23:52]

Keypti mér líka bókin en verð að segja að ég er pínu skúffaður.....jú jú það er gaman að henni en .....það vantar svo margt...

[Jón Halldór Guðmundsson, 3.12.2007 kl. 00:06]

Já, en bókin er nú ansi hressileg.

En þessi bók er byggð upp af frásögnum samferðamanna af Eyþóri og þess vegna vantar kannski margt sem vel ætti heima í bókinni. Þessi bók þykir fremur skemmtilesning en endilega fullkomin úttekt á lífshlaupi Eyþórs.

- Það eru nokkur ár í ævisögualdurinn hjá okkur Einar.  En þú verður í 3-4 bindum, heldurðu það ekki? 

[Einar Bragi Bragason., 3.12.2007 kl. 00:52]

örugglega .......en það sem ég er að meina er að mér finnst höfundur ekki hafa vandað sig nógu mikið við heimildasöfnun.

[Syrrý (IP-tala skráð) 5.12.2007 kl. 15:55]

strákar viti þið hvar er hægt að fá þessa bók hér fyrir sunnan

[Jón Halldór Guðmundsson, 6.12.2007 kl. 12:52]

Nei, hún er til í Office 1 á Egilsstöðum. Eru ekki allar betri bókaverslanir með þessa bók?