Hvað skiptir okkur mestu máli?

 

Allmörg mikilsverð mál ber hátt í umræðunni í dag.  Meðal þess er ójöfnuður og misskipting.  Annað mál er kjör örykja og aldraðra.  Eitt mál enn vil ég nefna og það er umræðan um sölustaði áfengis.  Ýmsir vilja halda því fram að bætt aðgengi auki enn áfengisbölið, sem er þó nógu mikið fyrir finnst okkur öllum.

Ég held að með þvi að bæta lífskjör almennings og gera til dæmis skólunum betur kleift að sinna öllum börnum á uppbyggilegan hátt, þá sé unnt að veita vímuefnavandanum viðnám.

Gott atlæti og sjálfsvirðing og verkefni við hæfi fyrir unga fólkið, leiðir af sér hamingjusamari og heilbrigðari einstaklinga.

Ég fagna mjög að Morgunblaðið skuli taka upp í forystugrein sinni þessi mál til umræðu.  Þegar Mogganum ofbýður, hlýtur eitthvað mikið að vera að.

Athugasemdir

[Gísli Baldvinsson (IP-tala skráð) 24.10.2007 kl. 15:20]

Sammála. Erum við eða Mogginn að linast með því að sammælast honum Jón minn? Átti langt debatt um þetta við þá Ágúst Ólaf og Gumma Steingríms, en þeir hanga í skoðanakeðju Sigurðar Kára.

[Einar Bragi Bragason., 27.10.2007 kl. 01:55]

Þetta er ósköp simpillt vín á að vera í Vínbúðum.........málið dautt

[Jón Halldór Guðmundsson, 27.10.2007 kl. 09:00]

Auðvitað á vín að vera í vínbúðum og mjólk í mjólkurbúðum.

Og þeir sem ekki þola það að drekka vín,  ættu að láta allt vínið í vínbúðunum alveg vera.

En þar liggur sennilega vandinn, ekki satt?