Er Randvers nú saknað???

 Ætli Spaugstofan sakni ekki Randvers núna?  Væntanlega verður Spaugstofan í kvöld helguð blaðamannafundi REI listans niður við Iðnó, þar sem þeir Arnar og Bogi sjálfir komu til liðs við hina breiðu félagshyggjufylkingu.

Nú, svo skilst mér að Pálmi Gests muni leika Björn Inga,  en sem kunnugt er hefur Pálmi setið einn að því að leika formenn framsóknarflokksins seinni áratugina.  Þetta ku vera bein vísbending um það að Björn Ingi verði einmitt næsti formaður flokksins.

Væntanlega mun Spaugstofan ekki reyna að endurflytja hina hjartnæmu fundi sjálfstæðismanna, þar sem allir eru svo voða góðir vinir og treysta svo vel honum Villa allir saman,  að það er leitun á öðru eins.   Þann leikgjörning er að sjálfsögðu ekki hægt að toppa og stendur stuðningur Gísla Marteins, Hönnu Birnu og Júlíusar Vífils við hann Villa góða og gamla borgharstjóra upp úr sem sjálfstætt, stórbrotið, tragikómiskt listaverk.

Athugasemdir

[Ásthildur Cesil Þórðardóttir, 13.10.2007 kl. 14:47]

Ég held að Spaugstofan geti ekki toppað uppákomuna í gær með Boga og Örvar  Hún var einfaldlega svo frábær.  Það væri samt gaman að fá sýn spaugstofunnar á fýlupúkana sjö.

[Jón Halldór Guðmundsson, 13.10.2007 kl. 15:23]

Bogi og Örvar! Auðvitað ekki Arnar og Bogi. það er kalkið.

[Einar Bragi Bragason., 14.10.2007 kl. 02:36]

Þeir voru flottir