Greiðar eru göturnar!

Mér hefur verið tíðrætt um Fjarðarheiði á þessu bloggi.

Jafn erfið og hún getur verið yfirferðar, þegar hálka og ófærð tálmar för, er þessi heiði falleg leið.  Fossarnir í Fjarðará eru yndislegir á að líta, þegar ekið er upp á Fjarðarheiði frá Seyðisfirði.

Útsýnið af Neðri Staf yfir Seyðisfjörð er afar fallagt og í góðu skyggni er útsýnið yfir Héraðið af Norðurbrún jafnvel enn fegurra.

Hákon Aðalsteinsson skógarbóndi, skáld, tollari og fleira vann í mörg sumur við tollafgreiðslu ferjunnar Norrönu. Kom hann þá eldsnemma akandi með "Héraðslögreglumönnum" og var einatt í góðu skapi og átti það til að kasta upp vísu.

Hann setti saman eina vísu um Fjarðarheiði. Ég ætla að stelast til að skrá hana hér inn:

Greiðar eru göturnar,

Gott er leiði,

Fagurgrænar freðmýrar

á Fjarðarheiði.

 

Athugasemdir

[Inga Jóna (IP-tala skráð) 25.9.2007 kl. 11:55]

sma viðbót við afmælispælingarnar...     til hamingju með daginn....

Eitt sinn varstu lítið barn
með bleiu stóra
og fingur smáa.

Þú óxt úr grasi
og fórst í skóla.
Af stelpum fórstu
að skoða.

Kynntist stelpu
félst fyrir flatur.
Fluttist burt
með henni glaður.

Árin líða
æskan líka.
Því miður gammlingi
þú ert orðin fimmtugur.


Hulda Loftsdóttir
1983-
Í tilefni af fimmtugsafmæli pabba.[ Setja bókamerki ]

[Jón Halldór Guðmundsson, 25.9.2007 kl. 15:57]

Takk fyrir ammælisbraginn.

Þessi Hulda er flott skáld. Hvernig kynntist hún Kjarval? 

[Einar Bragi Bragason., 25.9.2007 kl. 16:01]

HAnn á afmææææææææææææææli í Dagggggggggggggg

já hann á affffffffffffffffmæææææææææææææli í dag

Hann á affffffffffffmmmmmmmmmmmmmmææææææææææææli han Jón Halllllllddddddddddddddddór

Hann á afmæææææææææææææli ííííííííí dagggggggggggggggg.

Sungið ala Christina Aguilera

Til lukku

[Gísli Baldvinsson (IP-tala skráð) 27.9.2007 kl. 10:00]

Síðbúin afmæliskveðja. Nú ertu loksins kominn í fullorðinsmanna tölu. Þú sendir okkur áfram fréttir af Fjarðarheiði þar til við borum í gegn. kv gb