Huginn - Hvöt á morgun

Úrslitakeppni 3. deildar hefst á morgun. Huginn á Seyðisfirði er í úrslitum að þessu sinni og mun eiga við Hvöt frá Blönduósi. Hvatarmenn eru með þvílíkt hörkulið að sjálfur Grettir Ásmundarson hefði ekki gert betur. Vörnin er svo góð að jafnvel sjálfur Steini á Reykjum og Haukur á Haugi hefðu verið fullsæmdir af. Þarna eru framherjar sem fara langt í að jafnast á við Rabba Rikk, þannig að maður býst við stórleik.

Huginn er með nokkra Dani og einnig mun hann Ljubisa spila með liðinu, þannig að þetta getur varla orðið annað en gaman.

Mætum! 

Athugasemdir

[Þröstur Unnar, 24.8.2007 kl. 18:54]

Já, kannast við Steina, Rabba og Hauk. Ekki væri verra að hafa Bibba í Eyjanesi í sókninni.

[Jón Halldór Guðmundsson, 24.8.2007 kl. 19:04]

Það þekkja þessa kappa margir, en hvernig þekkir þú þá?

[Herbert Guðmundsson, 24.8.2007 kl. 21:32]

Klárt samkvæmt þessu sem þú segir, Jón Halldór, að þetta verður ekkert mál fyrir Hvatarmenn gegn hálfdönskum Huginsmönnum. Ég lék marga fræga leiki með Hvöt fyrir 50 árum. Í einum þeirra var Albert Guðmundsson línuvörður. Hann stóð sig frábærlega, enda öllu vanur í boltanum. Sem sagt: Áfram Hvöt!!!