Danmörk í júnílok.

Síðustu 4 daga hef ég verið í Sönderborg og nágrenni.  Við erum búin að fylgjast með hvernig Begga og Stebbi fluttu inn í gamalt, nýtt hús og aðstoðarfólkið mætti og hjálpaði eftir megni.

Við Magga og Sóley gistum hjá Reyni, en hann var ekki heima heldur á Íslandi,  þannig að við heilsum betur upp á hann bráðlega.

Ég fór með Stebba skynditúr til Flensborgar í gær og keyptum við hálft tonn að byggingarefni.  Það var "meget sjov" ferð.

Veðrið hefur verið afar haustlegt hér og skúraveður í Sönderborg.  Við vorum búin að bóka sólböð, því þannig hefur það verið í öll hin skiptin,  sem við höfum verið hér.

Á morgun leggjum við af stað í bílferð til þýskalands, Luxemborgar, Frakklands, Ítalíu, Alpalanda og aftur Deutschlands sem mun taka 21 dag.  Við Magga keyptum okkur navigator tæki fyrir ferðalagið sem kostaði aðeins 22.999 ísl krónur á sértilboði.  Veðurútlit er þokkalegt fyrir leiðina okkar,  miðað við veðurspá næstu daga.  Ferðinni á morgun er heitið til Essen und Trinken,  sem er mjög friðsæll bær á Rínarbökkum.  

Kannski verður bloggað aftur í ferðinni hér ég punktinn að sinni.

 

 

 

Athugasemdir

[Inga Jóna (IP-tala skráð) 2.7.2007 kl. 10:59]

ÉG held að rigningin sé að hætta og það verði ekkert nema sól og sæla framundan hjá ykkur... fylgist með...  lifið heil og njótið....kv. Inga Jóna