Erfiðar samgöngur

Undanfarnar vikur hafa verið rysjóttar og illviðrasamar á Fjarðaheiði og sennilega stundum á öðrum fjallvegum austanlands.  Nú um langa hríð ( á vel við að orða þetta svona) hefur skyggni oftast verið lítið og skafið í göngin á heiðinni.  Þjónusta snjóruðningsmanna hefur verið skert og meðan að þeir ná ekki að ryðja veggjunum beggja megin vegarins frá veginum kófa nánast linnulítið á heiðinni. Þá þarf ekki mikið út af að bregða til að slys verði á heiðinni.

Ég tel að meðan að Seyðfirðingar búa við þessar takmörkuðu samgöngur eigum við að gera kröfu um að Vegagerðin kosti rekstur og laun björgunarsveitarinnar með einn bíl mannaðan tveimur mönnum yfir háveturinn.

Björgunarsveitamenn hafa sinnt útköllum linnilítið suma dagana undanfarið og það segir sig sjálft að svona kefjandi þjónusta sem helgast eingöngu af erfiðasta fjallvegi landsins, er ekki einkamál Seyðfirskra Björgunarsveitarmanna.

 

 

Færð að þyngjast fyrir austan

Athugasemdir

[Seyðfirðingar, 29.3.2010 kl. 15:10]

Minni á gönguna á laugardaginn. Göngum Göngum hópurinn ætla að leggja af stað frá Herðubreið klukkan 10 og fara upp að Skíðaskála. Allir með!