Ísland í endaspæli!

22. aug 2008, 16:07
Minsta landið í liðítrótts-finalu nakrantíð
Mynd: Arnór Atlason og Sverre Jakobsson

Ísland er minsta landið, sum hevur verið í einari finalu í einum endaspæli í liðítrótti.

Kinesisku áskoðarnir yvirgóvu seg. Fólkið frá Heimsins fólkaríkastu tjóð, sum sótu á áskoðaraplássunum í hondbóltshøllini róptu: ”Ísland Jia Yuu”, sum merkir ”Koyr á Ísland”. Íslendingar hava veruliga sett seg á heimskortið í dag. Og eftir, at hava kannað tað kann staðfestast, at Ísland er minsta tjóðin nakrantíð, sum hevur verið í einari finalu fyri A-landslið í einum endaspæli í liðítrótti. Sama um vit tosa um hondbólt, fótbólt, flogbólt, kurvabólt, landhokki, íshokki, vatnpolo, baseball ella softball. Litava hevur verið í nøkrum hálvfinalum í kurvabólti, og Uruguay hevur vunnið HM í fótbólti tvær ferðir, umframt, at Uruguay hevur verið í øðrum HM-hálvfinalum. Í Uruguay búgva 3.500.000 fólk, í Litava búgva 3.400.000 fólk, í Íslandi búgva 300.000 fólk. So talan er veruliga um nógv tað minstu tjóðina, sum hevur verið í einari finalu í einum endaspæli í liðítrótti. Tað verið seg OL, HM ella EM. Men stoltu og røsku íslendingarnir hava ikki latið seg tølað av íbúgvaratalinum, men hava í hondbólti havt tað, sum fasta málisku, at ”Vit eru 7 ímóti 7 á vøllinum.”.

 

Þeir er flottir Færeyingarnir, eins og ég hef alltaf sagt. 

Athugasemdir

[Jón Halldór Guðmundsson, 22.8.2008 kl. 23:10]

Ég er að segja það!