Opinber Heimasíða hökkuð!!

Nú í kvöld var heimasíða Seyðisfjarðarkaupstaðar hökkuð.

Þetta er gríðarlega slæmt því að mjög margir nota síðuna til að nálgast ýmsar upplýsingar um þjónustu sveitarfélagsins.

Þarna má nálgast upplýsingar um öll símanúmer og netföng starfsmanna bæjarins, opnunartíma bæjarskrifstofu, íþróttahúss, sundhallar, skíðasvæðis, bókasafns og hafnarskrifstofu.

Allar upplýsinar fyrir ferðamenn um gistingu veitingar, opnunartíma verslana, söfn, áætlanabifreiðar, ferjuna, hjóla og bátaleigu, golfvöllinn og veiði í Fjarðará og gönguleiðir.

Þarna er líka að finna upplýsingar um gjaldskrá stofnana bæjarins og ýmsar upplýsingar sem fólk þarf sem er að skoða möguleika á að flytja til bæjarins.

En þessar upplýsingar eru sem sagt ekki aðgengilegar núna, vegna þess að einhver Tyrki hakkaði síðuna.  Spælandi!

 

Athugasemdir

[Sigurpáll Ingibergsson, 26.1.2008 kl. 12:57]

Þú segir hakkfréttir Jón Halldór. 

Það hefur fundist veikleiki í sql-gagnagrunni og hópur sem kallar sig hayalet-hack.com staðið á bak við innbrotið.

Hópurinn gortar sig á innbrotinu á montvefsíðu hakkara. Skrítinn heimur! 

Hér er vefsíða sem segir frá innbroti í október á síðasta ári á sfk.is

Hvað er til ráða til að verjast svona árásum. Það er að vera með vefinn hjá traustum þjónustuaðilum sem uppfæra vélbúnað reglulega og taka afrit. Einnig þurfa hönnuðir vefja að fylgjast vel með og uppfæra hugbúnaðarpakka.

[Jón Halldór Guðmundsson, 28.1.2008 kl. 12:13]

Síðan hefur enn verið hökkuð. Hvað er í gangi?

[Jón Halldór Guðmundsson, 28.1.2008 kl. 12:15]

Á montsíðunni kemur fram að þeir eru í stríði við okkur. Við Seyðisfjörð!