Smekkleg tímasetning?

Nu þurfa allir að standa saman,  er það ekki?

Kirkjan krefur ríkið um milljónir

Athugasemdir

[Heidi Strand, 16.10.2008 kl. 11:51]

ÞAÐ MÁ FRYSTA ÞESSAR KRÖFUR Á MEÐAN ÁSTANDIÐ Í ÞJÓÐFÉLAGIÐ ER EINS OG ÞAÐ ER.

[Guðjón Sigþór Jensson, 16.10.2008 kl. 15:24]

Fyrir nær hundrað árum eða 1909 var gerð töluverð breyting á samstarfi kirkjunnar og ríkisins. Prestar höfðu fram að þeim tíma sérstekjur af hverju embættisverki og auk þess tekjur af „brauðunum“ sem þeir sátu, þ.e. af jörðunum sem fylgdu prestsetrunum. Þeir voru því n.k. lénsherrar í skilningi þess orðs.

Með þessum lögum frá 1909 voru prestar þjóðkirkjunnar gerðir að embættismönnum íslenska ríkisins og fengu fastar tekjur sem slíkir, rétt eins og kennarar, lögreglumenn, sýslumenn og fleiri slíkir. Jafnframt tók ríkið yfir allar gömlu kirkjujarðirnar sem voru eftir þetta nefndar þjóðjarðir.

Margir prestar voru 1909 ekki ánægðir með þessa stöðu mála einkum þeir sem voru í betri brauðunum. Þessi sjónarmið hafa því verið nokkuð lífsseig og eru að stinga upp kollinum öðru hverju eins og nú.

Þegar ákveðið var að fara í þessar framkvæmdir kenndar við Kárahnjúka, þá fóru þeir prestar sem sátu þessi prestaköll fram á að kirkjan héldi uppi réttindamálum sínum sem vörsluaðili jarðeigna.

Þessi mál eru því ekki auðveld en vonandi hefur tekist að útskýra að einhverju leyti hvernig þau eru til komin.

Bestu kveðjur

Mosi

[Birna Dis Vilbertsdóttir (IP-tala skráð) 16.10.2008 kl. 19:05]

Sammála Heidi

[Ólafur Björnsson, 16.10.2008 kl. 23:10]

Það er ákveðinn misskilningur í gangi varðandi þetta mál, og frétt MBL villandi. Kirkjan er ekki ekki að innheimta eða krefjast neinna greiðslna frá ríkinu. Hér er um þjóðlendumál að ræða og varðar túlkun á gömlum eignaskjölum kirkjunnar, m.a. máldaga Valþjófsstaðar frá 1387. Þetta mál hefur verið lengi í gangi, en þjóðlendulögin eru frá 1998. Hitt er annað að verði fallist á eignarréttarkröfu kirkjunnar, að öllu leyti eða hluta, falla greiðslur vegna vatnsréttinda jarðarinnar til kirkjunnar, sem þinglýsts eiganda jarðarinnar, í samræmi við eignarhlut. Það er Landsvirkjun sem greiðir þær bætur til eiganda jarðarinnar í samræmi við ákvörðun dómstóla.